Ja, Wahnsinn! Da Klaus Wowereit hört als Burgermoasta vo Berlin auf. Zerscht hot's ja g'hoaßn, er geht erscht, wenn da Flughafen fertig ist, oba im Alter vo 97 Jahr sollt ma dann doch nimma Politik macha. Desweng geht er etz doch lieber glei. Und angeblich gibt's zwecks seiner Zukunft ja scho erste Kontakte zum Pfahofara Landratsamt. Weil bei uns im Landkreis, do kanntat se da Wowi mit seiner ganzen Pannen-Erfahrung voll eibringa: I sog bloß Schwarzbau, Wappen und Woedl. Und nachat gibt's für den Landkreis natürlich a glei a neis Motto: Mir wandeln einfach dem Wowereit sein Berlin-Spruch "Wir sind zwar arm, aber trotzdem sexy!" um und schreibm – sobald de Rechte an unserm Wappen geklärt san – immer glei mit drunter: "Wir sind zwar total ungeschickt, aber dafür sehr zahlfreudig!"