Du, sog amal… I war gestern aufm Pfahofara Volksfest. Und do is ja unser neie Königin g'wählt worn, de Julia Eichinger vo Scheyern, woaßt scho. Weil de Maxi Rührmair, de is etzat weg. Eigentlich konnst song, de homs nach oam Jahr fristlos entlassen. I woaß etzat bloß net: Kriagt nachat de dann a so a Abfindung vo 190 000 Euro, wia da Woedl, den wo's damals vo da Ilmtalklinik nausg'schmissn hom? Eigentlich scho, oder? Weil de schaugt ja sogar no sauguat aus und hot a super Figur – also falsche Zahlen hot de ganz bestimmt net.