Mei, de vo Pro Wirtschaft und de von der Lebendigen Innenstodt, des san scho zwoa so Cliquen. Etz wui da oane wieda net mit'm andern. I versteh gor net, warum ma des imma wieda betonen muaß, des woaß doch eh a jeda, dass se de genau so guat riacha kinna, wia de Bayern- und de Löwen-Fans. Bloß bei dene schaun im Fernsehn halt a poar Hunderttausend zua, wenn sa se o'motzn. Und des mit dene ganzen Gutscheine, des is mir sowieso wurscht, wei i zohl mit Geld. Und wenn i dann zum Beispui zum Tanken foahr, nachat is mia sowieso scheißegal, wos da Sprit kost, weil i tank eh immer für zwanzg Euro.