Hobts des g'lesn? Beim Manfred Mensch Mayer konnst de etz für an Baumschnitt-Kurs omeldn. Du, der is wirklich so sozial und guat, der glaub i sammelt sogar no im Traum Spenden für irgendwos und Unterschriften gega wos. Der Röder macht ja angeblich a an Kurs – oba net zum Schneidn, sondern zum Rasiern. Zwecks Herker, woaßt scho. Obwohl etz eigentlich, wenns ums Rasiern geht, da Postel der richtige Adressat war. Bei dem, do bist zwecks Rasiern nie verkehrt. Erschtns wia der imma as Maul aufreißt mit seiner Minderheitenpartei – und zwoatens hot er ja a wirklich an Bart, wo ma scho mal a bissl durchgeh kannt mit da Heckenscher. Zum Rasiern kummt der ja selba net, weil er ja Wahlkampf macha muaß, damit sei FDP net an da 0,5-Prozent-Hürde scheitert.